قصة ابو طاقية وجلابية :
+++++++++++++++++++++++++
روت تماف ايريني تقول :
++++++++++++++++++
رجل طيب نجار في احدي قري قنا اسمه عم رشدي , كان تقيا وبسيطا جدا,كان يشتغل شوية ويصلي شوية , ويقرأ في الانجيل شوية ....
كان اكلة في الاصوام ..الرغيف الشمسي ومعاه طعمية او فول وفي الايام الفطار ..الرغيف الشمسي ومعاه حته جبنة "مش قديمة "
ومع انه كان فقيرا ويعيش عيشة الكفاف , والا انه كان يتصدق علي الفقراء وقلبه كان مليان رحمة , كل ما يشوف حد غلبان محتاج جلابية , يقلع الجلابية والطاقية ويعطيهم للغلبان , ويروح بجلابيته الداخلية الرخيصة لمراته ..
ويقول لها :-
تعالي نعمل جلابية وطاقية تانية .
وكانت زوجتة تتخانق معاه وتقول له :
طيب ..اعطه قماشا بدل الجلابية , بدل ما نقعد كل يوم والتاني .. نخيط جلابية .
فكان يقول لها :
انا اخيط معاكي بالليل , نخيط شوية ....ونصلي شوية .
وفي احد الايام .. انتقل عم رشدي وراح السماء , فكلموا اهله في القري المجاورة عشان يحضروا ..
وفعلا ...كفنوه ووضعوه في الصندوق , وقعدوا فترة طويلة لغاية ما الاقارب تحضر
وقبل ما يقفلوا الصندوق , وجدوا الاكفان بتتحرك, ووجدوه قام فارتعبوا الاهالي .
فقال لهم ماتخفوش ...انا حقعد معاكم ثلاث ايام فقط وبعدين اروح الفردوس .
وحكي لهم الاتي :
عندما خرجت روحي من جسدي , شفت ملاك شكله حلو جدا , واخذني بزفة الي الفردوس .
وهناك ...سجدت قدام رب المجد .
فقال لي : انت كنت بتعمل رحمة كثيرة ...
يا ما لبست اخوتي الفقراء
"جلابيتك ....وطاقيتك ".
وكنت بسيطا وتقيا .
وامر الملايكة ان يعملوه ترنيمة جديدة ,لقي نفسه بيسبح زي الملايكة ,تسابيح عمره ما قالها قبل ذلك ولا يعرفها ..وبعدين
قال ربنا للملاك:
خذه وخليه يزور مواضع الاباء القديسين والشهداء وامه وابيه .
وشاف الست العذرا بجوار رب المجد وزار الشهداء والقديسين واقاربه ومعارفه , ثم رجع الي رب المجد .
فقال له : يا رشدي ...
انت هتنزل الارض تاني
رد عليه : ليه ياارب ...خليني معاك ,دي السماء حلوة ...وكلها فرح وسلام .
فقال له : ثلاث ايام فقط وتيجي , عشان تقول للناس : انهم يعملوا رحمة ... عشان ارحمهم في السماء ويعيشوا في مخافتي , وينفذوا وصاياي , عشان يتمتعوا بالمجد في السماء .
وفعلا ... رقد بعد ثلاثة ايام++
موضوع: ابو طاقية وجلاب 
الخميس أكتوبر 27, 2011 11:00 am
